کد خبر: 18557 | تاریخ انتشار: ۸:۲۱:۰۶ - یکشنبه ۲۱ آذر ۱۳۹۵ | بدون نظر | |

کار ائشیدمز یاراشدیرار

hthtyhthآغیر ائشیدن قوناخلارین حیکایه سی: بیرگون بیرنفرین دوستو بولاردا قوناقیمیش بیرآز سونرا قاپیدا بیر ماشین ساخلییر ائو صاحیبی پنجر دن باخیر ائوده کی قوناغا دئیر: بو گلن قدیم دوستومدو اؤزوده پولیسدی یامان یاخجی آدامدی حیف اولسون قولاخلاری آغیر ائشیدیر، اوننان دانیشاندا بیرآز اوجا دانیش قوی ائشیدسین ائشیتمسه مجبور اولاجاخ دئسین قولاغیم آغیر ائشیدیر قورخورام اوندا اوتانا اودا یاخجی اولماز
ائوده کی قوناخ دئییر: یاخجی حتما اوجا دانیشارام سن راحات اول
ائو صاحیبی چئخیر قاپیداکی قوناغین قاباغینا سلام کئف احوال ائلییر دئییر: ائوده قوناغیم وار اؤزوده شاعیردی چوخ بیلیکلی ساوادلی آدامدی اما یازیغین قولاخلاری آغیر ائشیدیر اؤزوده بو ایشدن چوخ اوتانیر سن الله اوننان بیرآز اوجا دانیش احساس ائلمسین قولاخلاری آغیر ائشیدیر بیزدن اوتانماسین
قاپیداکی پولیس دئیر: خیالین راحت اولسون حتما رعایت ایلرم اوجا دانیشارام کی هیچ احساس ائلمسین آغیر ائشیدیر.
پولیس قاپیدان گیریر ایچری اوجا سسینن دئیر: آی سلام علیکیم
شاعردا اوجادان دئییر: آی علیک اسسلام ، پولیس بیرآزدا سسین اوجالدیر دئییر: آی کیشی نه وار نه یوخ؟ شاعر اوناندا اوجا سسینن دئییر: ساغلیقین گؤزللیین! سن نه کئفده سن؟…
بولار کئف احوال ائلییه ائلییه ائو صاحیبی اوجادان دئییر سیز دانیشین منیم ایکی اوچ دیقه ایشیم وار اونو یئربه یئر ائلییم گلیم خدمتیزه، یاواشجا اکیلیر
قوناخلارین ایکیسیده مطمئن اولولارکی قاشیلارینداکی آغیر ائشیدیر چون کار آدام دییرکی بس هیچ کس ائشیدمیر اوجا دانیشار
ایکی قوناغ ائوده باشلییرلار دانیشماقا اما نه دانیشماق، او دئیر بس بو ائشیدمیر بیرآزدا سسین اوجالدیر بو دئییربس او ائشیدمیر بیرآزدا سسین اوجالدیر قالیرلار قئشقیرا قیشقیرا، بئله چئغیریرلارکی آز قالیر او بیریسینین قولاغینین پرده سی چئریلا
دویونجان چئغیراندان سورا ایکسینینده همی بوغازلاری همی قولاخلاری یورولور دای دیلن دوشورلر، ایکیسیده ساکت اولورلارکی بیرآز دینجلسینلر ایکیسیده اؤز اورکلرینده دئییرلر نئجه خاطیا قالیدم بو کارا هاردان راست گلدیم باشدان بئیندن گئتدیم، بو اثناده تیلفون زنگ چالیر ائوده ده ائو آداملاریننان بیرکس یوخدو جواب وئره پولیس کی قدیمی دوستوموش اوز اوزونه دئیر ائو صاحیبینین اوشاخلارینان فامیللرینین هامیسین تانییرام قوی تلفونو گؤتوروم گؤروم کیمدی
تیلفونو گؤتورو یاواشدان دئییر الو باشلییر تلفونداکی آدامینان طبیعی حالدا دانیشماغا، دانیشیق قورتاریر گلیر اوتورو شاعرین یانیندا اوجادان دئییر: تیلفونداکی ائو صاحیبینین بویوک اوغلویدو سربازدی دئدیم بیرآز سورا زنگ وئرسین، شاعیردا جواب وئریر الله حفظ ایلسین! دئمه دی نه واخت گله جگ؟ پولیس اوجادان دئییر: دئییردی تازا گلمیشم ایکی اوچ آی چکر گلمگیم. یئنه ساکت اولورلار
شاعر یاواشجا اؤز اؤزونه دئییر بو کؤپیولو نجور کاردی تیلفونونان بئله یاواش دانیشدی؟ پولیس دئییر کوپیولو اؤزونسن کار کوپیولو چئغیرماخدان دیلدن دوشدوم
شاعر دئیر: کارسنسن اِ من سنه گورا چئغیریرام همی قولاغیم کار اولدو همی بوغازیم پارتتادی
پولیس سوروشور سن کار دئیلسن؟ شاعر دئییر یوخ! بس سنده کار دئیلسن؟ پولیس دئییر یوخ! اوردا باشا دوشورلرکی ائو صاحیبی بولارین ایکیسنده نئجه سرییب.

یوسف عبادیان

استفاده از این مطلب با ذکر منبع بلامانع است

ارسال نظر


آخرین موضوعات