کد خبر: 628 | تاریخ انتشار: ۱۰:۰۰:۳۷ - پنج شنبه ۴ شهریور ۱۳۹۵ | ۸ نظر | |

من سنی اونودا بیلمیرم، آخی

من سنی اوnusretنودا بیلمیرم ، آخی ،
اونوتسام نه لری اونودام گره ک ،
گؤیلره باخمیشیق آیلی گئجه ده
اونوتسام ، گؤیلری اونودام گره ک .
.
دنیزی اونودوم ، یا دالغالاری ،…؟
خاطیرن یادیمدان چیخایدی، باری ،
پاییزدا خزانی ، قیشداسا قاری ،
باهاردا گوللری اونودام گره ک .
.
دئه ، نئجه اونودوم من سنی نئجه ،؟
سئوگی دورنا دئییل پاییزدا کؤچه ،
یوخوما گلیرسن منیم هر گئجه ،
آیلاری ، ایللری اونودام گره ک .
.
سنین خیالیندیر حسرتله باخان ،
آدیندیر هر ساعات قارشیما چیخان ،
قاریشیب شکلینه گؤزومدن آخان ،
یاغیشی ، سئللری اونودام گره ک .
.
سینه مده پئشیمان اوره ییم قالدی ،
اوچدون ، اللریمده له له یین قالدی ،
نه لری ایتیردیم ، باخ نه ییم قالدی ،
نه لری ، نه لری اونودوم گره ک

نصرت کسمنلی

استفاده از این مطلب با ذکر منبع بلامانع است


۸ ديدگاه مطلب براي " من سنی اونودا بیلمیرم، آخی " ارسال شده است.

  1. علی علیش پور گفت:

    چوخ گوزل وده یه رلیدیر بوشعر عشق اولسون بویوک شاعریمیز نصرت کسمنلیه همیده بو سایت وپایگاهین مدیرلرینه

  2. بیر سنسیز گفت:

    « بیر سنسیز »
    داغلاری داشلاری اونوددوم بئله
    قالیبدیر سنی لن ، وورغونوم هله
    آلووئوم دان تؤکور ، یانیر آیریلیغ
    مین دنیز گؤز یاشیم یاغیر چؤللره
    ————————————-
    مین گونش ، هر باخیش یالواریر سَنه
    گئدیرسن نه اوچون ، قآیید باخ مَنه
    قورتاریر آمانیم ، چؤنور آرخامی
    کسه ر بالتالاری ، قؤشور اَل اَله
    ————————————–
    شهرتون یاراشیغ ، ائلین ماویسی!
    تیکیلمیش دوداغین ، قوتارماز سَسی
    اصلانلار یاتاغی ، قارتال اوطراقی!
    اوجالسین آدووا ، قاناد زیره سی
    —————————————-
    سویلی یم غزلی ، سؤیلی یم گره گ
    آتام شان یؤلووا ، قوتار ماز اَمَک
    یازام ایگید باغین ، بو سیز قین چؤله
    یاخامدان قورتارام ، قان دؤلان اوره گ
    ——————————————
    حسرتیم قالاجاغ ، بیلیرم کؤنول
    سن سیزیم ساناما ، ئولیرم کؤنول
    دردیمین درمانی ، یاغان ئیدمانی!
    سن گولنده یاراش ، گولیرم کؤنول
    ——————————————-
    سنسیز

    • ایلقار گفت:

      سالاملار اولسون آقای رضائی ، تشکّورلر بو شعیر دن ده
      سنسیز کیمدیر آقای رضائی!
      بو گؤزل شعیر یقین بیلی ره م بیزیم یوردوموزون تانینماز و گمنام شاعری یحیی حمیدزاده خیاوی متخلص حمیدی دن دیر یاشاسین.
      حمیدی نین بیر قطعه شعیرین اوخودوم چؤخ سویوندوم . اومود کین ئوز گویچک شاعیر لریمیزدن ده آد آپاراغ.

      • مشکین سلام گفت:

        با سلام این شعر را فرد ناشناس در این مطلب به کامنت استفاده کرده بود و از هویت ارسال کننده خبری در دست نداریم. اگرمطمن هستید شعر برای اقای حمیدزاده است حتما اطلاع دهید منتشر کنیم

        • سنسیز گفت:

          استاد ایلقار سلام . من کی گفتم این شعر منه این قطعه در محفلی که خوانده شد شما هم تشریف داشتید من هم آنرا برسم امانت اینجا کامنت گذاشتم تا شعرای ناشناخته شهرمان شناخته شوند آقای حمیدزاده شکسته نفسی میکند بروز نمیدهد. در ثانی از شما هم جای تشکر است که لااقل در این زمینه ها قلم بدستی دارید این قطعه را هم اخیرا در رابطه با عاشورای حسینی از ایشان جدیدا گرفتم که از زبانحال زینب (س) خطاب به امام حسین (ع) میگفتند . محض گواهی سایت وزین مشکین سلام.
          « عشقه دولانمیش عَلَم »
          یادیمدان چیخمیسان ، هئچ ساهات هئچ گون
          یادیمدان چیخاردیم ، نئجه گوزلرون!
          گئده ن ده باخیر دیم ، دالونجا آغلار
          سن باخدین یارالی ، آغلاشا دؤندون
          —————————————–
          قیریلماز اومودوم ، اوره گ قان اُولسا!
          دولایلی قایدالار ، بورولقان اُولسا!
          ایسته رم یاراشون ، یاخام اِئللره
          سئل جالانسا ، کسه رلی وولقان اُولسا!
          —————————————–
          تیتره دی مئشه لر ، سیلدیریم یاغدی
          بیلیردیم کین ، عشقین منه دایاغدی
          یئتیش مَگه آز قآلیرام ، دؤزوم یوخ
          چن دوشسه ده ، ایشیغ منی قاباغدی
          ——————————————
          ساهات لارا یالواریرام تئز گَلَم
          اُودلاییرام قوزقون لاری من هَلَم
          قایدالاری اوتوزبدی دیده رگین
          ماوی دَدی عشقی دولانمیش عَلَم
          —————————————–
          چیرپنیرام ، هی ساییرام یؤللاّری
          دیگسی نیرم ، اُوخ دا گئده ن پایلاری
          یانقی دا قالمیش کؤزه رن آتشم
          آغلاییرام ، دالغا یاغان چایلاری

    • رشید گفت:

      دؤلی اوره گنن سنه سالاملار قالدیریرام عزیز شاعیرمیز یحیی بَی و رضائی بَی چؤخ تشکّورلر.داوام ایستی رم بو بولیمله.

  3. إیرضامشکینی گفت:

    جواب شعرازبنده حقیر

    “”عشقینی اونودام گرک””

    سنسیزگوزلیم عشقینی اونودام گرک

    هیجرینی؛فراقینی؛یادان چیخاریب اونودام گرک

    بختیارداشعرینده یازمیش وصالینی اونودام گرک

    سنسیز نه عشقی کی دونیانی اونودام گرک

    سویلمق اسان؛امماباخ گور نلری اونودام گرک

    دوواقلارینین دویدوغوم بال تامینی

    گوزلرینده گمیلرتک باتدیقیم انی

    سسینی هرگون إشیدن گولاخلارینی

    دارایب هوردوقوم سیه یوموشاق ساچینی

    نلری ؛نلری اونودام گرک

    سنین له هرگون اغشام دولاشدیقیم یولاری

    بیرلیحده گزن ؛دولانان ایاخلاری

    قلبیمده اولان محبتی یاقلبیمی

    عاقلیمدا اولان خاطرلریاکی عاقلیمی

    سنسیزگوزلیم نلری اونودام گرک

    شیرین دلین له چاغیردوقون؛سنن گوزل إشیتدیقیم ادیمی

    سنن کچن گونلریمی؛سنسیزباتان ایلاری اونودام گرک

    أل أله وریب دنیزساحسینده دالقالاراباخماقی اونودام گرک

    من سنسیز ؛سنی بلمیرم اونودام
    بلکه ده اوزومواونودام گرک

    سوگینی؛عشقینی؛محبتنی
    سنن گتدیقیم یرری؛باخدیقیم گویلری

    گجه لرسنسیزسایدیغیم الدوزلاری
    یالنیزقالیب کچیردییم گونلری

    نلری؛نلری اونودام گرک

    پارام پارچا بوتون جانیمی

    أتیمی؛قانیمی؛حیاتیمی اونودام گرک

    سنی له یاشادیغیم آنی

    سنسیزکچیردیقیم غملری اونودام گرک

    بو شهردن گدم گرک

    بوشهری؛دیاری اونودام گرک

    أیرضا جان فداإدیب رهه عشقوه

    بوگون جانیمی ؛حیاتیمی اونودام گرک

  4. عبدالرضا گفت:

    « یانار کونلوم »
    حزین حزین اَسی رم ، سانجاییر پاییز جانیمی
    گوره دیریم یومولان شاختادان دونان قانیمی
    ئیلان چه ین ده قانیر ، باتقی لار دا ولقانا باخ
    چاغیر گله کوچه لردن ، قانادلی اصلانیمی
    ————————————————–
    دووارلار آغری سینا ساجمیشام بوتون سینه می
    یاتیردمیشام گئدی رم حسرتیم یانان ننه می
    دووار قوتار منی قِی ضیم شان ایله ییر آپاریر
    قیفیل دا ساخلییا بیل میر قوتارمییان چه نه می
    —————————————————-
    سیتیلده ییر ، اَله نیر ، قمچی لر نَجور کوله نیر
    اَتَگده آغریمی کس میر ، یانیم دئیر سره نیر
    روادی قارقانا زهریم ، صباده آنلامی یا
    نفسده قؤرخودا قالمیش ، آدین دئمیر هوشه نیر
    —————————————————–
    گیلایه دن گوله بیلمیر او دیلربا دیلبر
    قالیب مهابتیلن ، اللرینده ئون خنجر
    کسیر باشین نیه طیفلین ، حیاسی یوخدی دنی
    فیکیرله نیر قارا گونلر ، اسیر بوتون صرصر
    ————————————————–
    دعادی غمزه ی هارونه طور موساده
    گله ر ضیافتیلن امر اِدیلسه جرّاده
    بساط پرچم تهلیله وار یقین موعود
    ویررار تبسّمی لن اشقیانی اوتاده
    « حمیدی »

ارسال نظر


آخرین موضوعات